شاندێکی پەیمانگە سەردانی کۆمەڵی دادگەری دەکات

رۆژی سێشەممە رێکەوتی 20-09-2022 شاندێکی پەیمانگەی کوردی بۆ هەڵبژاردن، کە پێکهاتبوون لە ئارام جەمال، کاروان کازم، وریا فەتاح و زانست کەریم، سەردانی ناوەندی هەڵبژاردنی کۆمەڵی دادگەرییان کرد لە سلێمانی و لەلایەن بەرێزان ئەندامانی ئەنجومەنی باڵا و بەرپرس و کارگێڕی ناوەندی هەڵبژاردنی کۆمەڵەوە پێشوازییان لێکرا. لە میانەی کۆبوونەوەکەدا گفتوگۆ لەسەر کەندو کۆسپەکانی بەردەم دواخستنی هەڵبژاردنی داهاتووی پەرلەمانی کوردستان کرا و لەلای خۆیەوە پەیمانگەی کوردی بۆ هەڵبژاردن راپۆرت و پەیپەر و بەرهەمەکانی خۆیانیان پێشکەش کردن و ئەو رێگەچارانەیان خستەڕوو کە لە ماوەی رابوردودا لە راپۆرت و پەیپەر و توێژینەوەکانیاندا باسکراون وەک بازنەکانی هەڵبژاردن و سیستەمی هەڵبژاردن و پرسی کۆتای پێکهاتە نەتەوەییەکان و دەنگدانی تایبەت و چەندین بابەتی هاوشێوەی دیکە..